Премьер-Лига ойындырының соңғы туры да өз мәресіне жетті. Үздіктер алға шығып, екінші алтылықта өнер көрсеткен командалардың да тағдыры шешілді. Өз алаңында жеңіске жеткен талдықорғандық «Жетісу» командасының көңілі көтеріңкі. Соңғы шешімге дейін тағдыры қыл үстінде келген жетісулық футбол командасы Павлодардың «Ертісін» 1:0 есебімен тізе бүктірді.

Күннің суықтығына қарамай жетісулық жанкүйерлер орталық алаңға көп жиналды. Өздерінің сүйікті командасына қолдау көрсеткен жанкүйерлердің де еңбегін жоғары бағалаған жөн. Сонымен Ел чемпионатының 32 туры «Жетісу» командасы үшін сәтті болды. Алаңға шыққан қос команда да жан алып жан берісті. Бірінші таймның алғашқы минуттарында қонақта өте қарқынды болды. Кездесудің 4 минутынды Бегалиннің орындаған айып добы қақпа бағанына тиіп кері қайтты.  Одан кейінде қонақтар қақпаға қауіпті сәттер тудырды. Ойынның 10 минутында  Р. Сариев бұрыштымы добын орындады. Оған бұрын секірген Кадио баспен соққанымен қорғаушыдан кері қайтты. Оналтылықтың ішінде тұрған Эргашевқа жақсы келгенімен Эргашев қақпадан жоғары тепті. Бұл ойынды Саят жақсы қырынан көрінді. 19 минутта оң қапталдан алға қарай пас асырды. Өкінішке орай Татишев жетпеді.  Кездесудің ортасына қарай алаң иелері қарқын алды. 33 минутта Татишев сол қапталдан пас асырған. Оңтайлы келген пасты дұрыс қабылдағанымен  Боти асығыстық танытып, жүз пайыз есеп ашу мүмкіндігін мүлт жіберді. 36 минутта қонақтар өте қауіпті соққы жасады. Пасеченко қорғаған қақпаны Бегалин дәл көздеген. Абырой болғанда қос қолын қойып қақпадан асырып жіберді. Сонымен бірінші тайм тең аяқталды.

Екінші таймда алаң иелері үлкен серпінмен шықты. Осы жерде айта кетерлігі ауа райының қолайсыздығы ойыншыларға едәуір қолайсыздық туғызды. Бірде қар, бірде сіркіреп жауған жаңбыр қос команданың ойыншыларын әбігерге түсірді. Алаңда аяқтарын алып жүгіру қиындық соқса да футболшылар жанкүйерлерін жерге қаратпауға тырысты.  Кездесудің 65 минутында қорғаушылардан сытылып шыққан Р. Сариев есеп ашып, командасын алға шығарды. Таразы басын өздеріне аударған алаң иелері қарқынды одан ары үдетті. Қонақтар қанша тырысқанымен таблодағы санды өзгерте алмады. Маусымды жеңіспен аяқтаған «Жетісу» командасы Премьер-Лига ойындарын 8 орынға тұрақтады.

 

Мен біріншіден «Жетісу» командасын жеңіспен құттықтаймын. Бүгін екі командаға да оңайға соқпады. Ауа райы қолайсыз болса да жігіттер барын салды. Бізде бірінші таймда да, екінші таймда да мүмкіндіктер болды. Бірақ оны біз өз пайдамызға шеше алмадық.

 

Біріншіден маусымның аяқталуымен барша жанкүйерлер мен футболшыларды құттықтыймын. Әсіресе жергілікті жанкүйерлерге алғысымыз шексіз. Ал ойынға келер болсақ, жігіттер жақсы ойын көрсетті. Бұл ұпай біз үшін үлкен рол атқаратыны белгілі. Сондықтан кездесудің бірінші минутынан бастап қолдан кегеннің барлығын жасадық. Алаңда қозғалыс қиын болғанымен тапсырманы нақты орындап, жеңіске жетті. Сондықтан команданың ойынына ризамын.  

 

Пресс-служба ФК "Жетысу"